Ahli-Waris

Aya urang lěmbur gětol , boga anak hiji lalaki hanteu anggěr pikirna, sapaninggal bapana boga kebon léga dipělakan palawija rupa-rupa, dipagěr ku dadap ti tinggal bapana, omongna: Hanteu kaharti ku karĕp bapa, iyeu kěbon dipagěr ku dapap, teu aya hasilna, ngan ngaheurinan bae, sarta ngahiyeuman. Sanggeus ngomong kitu, dadap tuluy dituwaran datang ka beyak pisan. Sanggeus lenglang kebon taya aling-alingna, sapi munding arasup, ngaruksak pěpělakannana, datang ka tumpur pisan; tidinya ngarti yen pagěr eta wajib.

Hartina : ulah waka ngaruksak talari kolot, lamun tacan kapikir hadena jeung pitěmaheunnana.