Bangkong Duwa

Keur mangsa katiga bangĕt saät sagala situ, bangkongna nu aya dina situ eta pada neyangan ĕnggon sejen. Ngan bangkong duwa, nu manggih hiji sumur jĕro sarta aya keneh caina, ngomong ka baturna: eh batur-batur saäyeuna montong leumpang jauh-jauh, tah aya sumur, hayu pada nyĕmplung ka jĕro sumur. Wangsulan baturna: Gampang nyĕmplung, tapi kudu pikir heula, iyeu sumurna jĕro soteh ayeuna, ari mangkena saät hese bijilna. Eta duwa bangkong hanteu ngagugu ka omong anu bĕnĕr, keur rada pinuh caina hanteu luncat, cicing di jĕro sumur bae, rasa maneh ngeunah tiïs. Hanteu lila, tina bangĕting katiga, sumur teh saät; bangkong nu aya di dinya rek bijil hanteu bisa, tina sabab jĕro; tungtungna paeh garing dina jĕro sumur.

Hartina iyeu dongeng: sagala karĕp, anu rek disorang, pikiran heula pijadiyeunnana; ulah ingĕt teuing kana kangeunahan ayeuna, bisi cara eta bangkong, tiwas ku kangeunahan saeutik.

__________