Budak Lalaki Jeung Kaluwa Cangkaleng

Ti Wikicutatan basa Sunda, rohangan cutatan bébas

Aya nu ngaluwa cangkaleng diwadahan ku goci, liyangna rada leutik. Anakna nu lalaki kacida hayangeun kaluwa cangkaleng, bapana nitah nyokot saeutik, budak lalaki tuluy ngodok kana goci nyokot sakeupeul, tapi leungeunna teu beunang dipaut, ditarik-tarik pageuh bae, tungtungna budak teh ceurik. Carek bapana: Nu matak maneh ceurik teh kagorengan maneh, karep maneh nyokot teh hayang reya sakali, coba lamun nyokot saeutik-saeutik mah, mangka minděng, jadi sakarěp maneh: pikarěpeun hanteu jeung kira-kira sok tara jadi, asup kana paribasa: gěde teuing canggeum; kalakuan eta ngeureuyeuh, maju hade nu leukeun lalaunan, supaya ulah ngaranděg.