Kalde, Manuk Gagak Jeung Nu Ngangon

Hiyi kalde keur nyatuan jukut di tĕgal, ditumpakan ku gagak macokan bahakna. Kalde teh ngarasa nyĕri kacida, sabisa-bisa ngarah nyingkahna gagak tina tonggongna, tatapi gagak teh teu daekeun undur.

Nu ngangon aya di dinya teu jauh, tatapi gagak macokan teh diantĕp bae, ngan tiba dideukeutan, ngagĕbah mah teu daek, anggur seuseurian cacalakatakan nenjo polah kalde, dianggep sisiwo bae.

Kalde ngomong: Eh kanyĕri kami jadi lipĕt duwa, tina sabab anu wajib nulungan ka kami anggur seug bae nyeungseurikeun!

Hartina iyeu dongeng: teu aya nu leuwih nyĕri-ati ngan kajaba tina dicacampah, tatapi saha-saha nu nyacampah, nyeungseurikeun ka nu keur nyĕri, kasukĕran atawa kawirangan, eta pantĕs dipikangewa ku jĕlĕma hade.

__________