Lanjam Duwa

Ti Wikicutatan basa Sunda, rohangan cutatan bébas

Aya lanjam duwa, sa panday, sa wajana jeung sa ěnggona digawe; nu hiji diteundeun dijuru, meunang sataun teu dipake-pake, tungtungna tai-hiyangan. Ari geus lawas nu boga ingěteun kana teundeun lanjam, gancang bae dicokot; lanjam tai-hiyangan teh heran nenjo baturna, nu sok dipake unggal isuk, katenjona awakna alus sarta gilap, omongna; Kami heran kacida nenjo awak maneh; tadi rupa maneh jeung rupa kami saruwa, naon nu matak herang awak maneh, ari kami ngeunah ngeunah nganggur bae, jadi goreng patut. Wangsulan nu ditanya: Nya eta panganggur maneh nu matak jadi goreng rupa teh; ari nu matak hade rupa kami, jalanan diajar nyabak gawe, jadi ngungkulan ka maneh. Hartina iyeu dongeng; jělěma nu sok nganggur ngahudangkeun niyat goreng, ari pagaweyan tangtu nungtun kabungahan sarta kangeunahan.