Manuk Garuda Jeung Kuya

Aya kuya boga niyat bisa hibĕr, rĕmĕn ngomong ka manuk garuda, nĕda diwurukan. Unggal ngomong ka manuk garuda carek garuda: Sok ngomong teu patut jeung teu pantĕs kana pipatuteunnana! Bawaning keukeuh nu hayang, keukeuh nu nyarek, tungtungna nya dianteur karepna tina ngarudĕtkeun kana ati batur. Tuluy kuya diranggeum ku manuk garuda sarta kĕbat dibawa hibĕr. Barĕng geus nĕpi ka luhur, diragragkeun, kajajadiannana nyata saomong manuk garuda, kuya ragrag kana taneuh, awakna rĕmuk.

Hartina iyeu dongeng: ulah sok nganiyatan nu teu pikalakoneun, karĕp kitu eta bijilna ti ati takabur, nu nungtun kana karuksakan.

__________