Tali

Aya budak duwa di jalan parěbut tali panjang, tali timu; parěbut rame pisan datang ka pasiasia, sarta silih donca, parebut tali hiji, pada nyěkělan congo tali sapotong sewang, bareng pada narik, tali teh pěgat, budakna pada labuh duwanana kana taneuh jěblog. Aya nu nga liwat lemek ka budak teh: Tah nya kitu kauntungannana jalma sok daekan padu, nu dipadukeun barang leutik, naon hasilna? Taya ngan kasorang ku hina bae jeung wirang nu puguh mah, sapérti maneh ayeuna budak duwa, awak maneh cipruk sarta bělokan.

Hartina iyeu dongeng: mangka manis ulat, singkahan papaduan, supaya ulah kungsi dihina sarta diwiwirang.