Tangkal Gĕbang Jeung Waluh

Areuy waluh ngarambat kana tangkal gěbang, tacan pati lawas, geus něpi kana pucukna, areuy waluh ngomong: Nya aheng kacida sakanyaho kami ngadenge nu ngaromong, umur iyeu gěbang geus saratus tahun, tacan saratus powe kami geus nyusulan jangkung ka iyeu gěbang.

Ngawangsul tangkal gěbang teh: ěnya tereh, tapi saruwa bae terehna jeung tumpurna, samemeh beyak mangsa ngijih iyeu daun maneh tangtu tuhur kabeh.

Areuy waluh nanya: Nu matak maneh nyaho taksiran, nyěta ka nu liyan, ti saha maneh aya guguru?

Wangsulan tangkal gěbang: Nyaho tina ngalaman sorangan bae, jeung geus nenjo mangsa ngijih sabaraha kali, ari areuy waluh nu ngarambat ka kami geus loba pada karumaki sarta tereh ruksakna cara maneh.

Hartina iyeu dongeng: Ulah suwaban omong atawa takabur, dumeh tereh naek, krana rajeun oge nu tereh naekna, tereh deui ragragna.