Wikiquote:Wilujeng sumping
Wikiquote atawa Wikicutatan téh nyaéta kumpulan cutatan anu ditulis ku sakumna pamaké siga Anjeun, ari anu ngayakeunana téh nyaéta Yayasan tanpabati tur nembrak Wikimédia Foundation. Pikeun nyieun akun mangga buka Kauntungan boga akun.
Umumna mah aya 3 hal anu bisa Anjeun lakukeun di Wikiquote téh. Anjeun bisa maca, Anjeun ogé bisa ngédit tur Anjeun ogé bisa nulis di Wikiquote.
Maca
[édit]Maca mah kagiatan anu pangbasajanna pisan. Indit baé ka kaca Tepas, paluruh subyék anu kataji. Aya ogè kotak sungsi di béh katuhu luhur di unggal kaca.
Mun Anjeun maca hiji cutatan, tur Anjeun mikaresepna, kumaha tah lamun anjeun mèrè komèntar kana kaca sawala dina èta cutatan tèh? Klik wé tutumbu Sawala anu béh katuhueun tulisan Kaca nu di luhur. Mun aya cutatan anu keur ku Anjeun ditéangan, pék téh euweuh, sok pénta éta cutatan téh sangkan aya anu ngéntri di Pamundutan cutatan
Saumpamana aya pitanyaeun ngeunaan sagala rupa hal anu patula-patali jeung Wikiquote mangga ajukeun pananyana di kaca Sawala.
Ngédit
[édit]Saha baé ogé bisa ngédit kaca di Wikicutatan, kawengku ogé kaca ieu, tinggal klik wé Édit anu aya di bagian luhur kaca ieu mun nurutkeun pamikiran Anjeun téh perlu diéécés. Anjeun teu kudu widi husus, Anjeun gé sabenerna mah teu kudu asup log, tapi supaya leuwih merenah baca Kauntungan boga akun. Anjeun bisa nyobaan ngédit sorangan dina kaca Kotrétan tur ulah poho pikeun neundeun tawisan hambéh dipikanyaho saha nu nyieun kotrétan téh.
Cara basajan pikeun ngamimitian dina Wikicutatan sakumaha réhna kamus cutatan wé, tapi nalika Anjeun manggihan perkaran naon baé anu kurang merenah boh dina éjaahn, boh kalimah anu kurang jelas, sok anjeun asup log terus benerkeun wéh. Kudu wani menerkeun hiji artikel sangkan leuwih hadé kualitasna.
Nulis
[édit]Mun geus biasa ngédit mah tangtuna baé bakal leuwih lancat, tapi alusna mah lian ti ngèdit tèh Anjeun ogè ngadeudeul pangaweruh anu dipimilik. Anjeun bisa Ngamimitian kaca anyar, atawa panggihan kaca anu aya terus tambahan wéh bagéan anu masih kénéh beureum tutumbuna. Ulah sieun ku salah, mun ninggang salahna ogé pasti aya nu ngabenerkeun.
Catetan: Mun anjeun embung tulisan Anjeun ditulis tur disumebarkeun, mangka tong ditulis. Sakabéh pangdeudeul ka Wikicutatan dianggap bakal ditangtayungan ku Creative Commons Atribusi/Lisénsi Babagi Sarupa (CC-BY-SA) jeung lisénsi Dokuméntasi Bébas GNU (GFDL). Ieu téh mastikeun yén Wikicutatan bakal tetep nyumebarkeun sacara gratis salawasna. Ulah ngirimkeun karya nu hak ciptaan iwal Anjeun boga widi ti panulis pikeun lisénsi ditangtayung CC-BY-SA kasebut téa. Tempo Wikiquote:Hak cipta pikeun informasi leuwih jero.
Cag!